Mizoram State Health Care Society buatsaih, ni hnih awh tur Ayushman Sangam – North Eastern Regional Review Meeting chu nimin khan Aijal Club-ah tan a ni a. Chief minister Zoramthanga’n hmanpuiin sorkar laipui scheme nen kalkawpin, tichangtlung zelin huam zau zawka kalpui zel tum a nih thu a sawi.
Hriselna chu mihring nuna thil hlui berte zinga mi, ram hmasawnna atan pawha thil pawimawh tak a nih thu sawiin chief minister hian, “Mi khawsak harsa ber pawhin inenkawlna an mamawh ang an hmuh theihna tura health care scheme changtlung tak neih a pawimawh a ni,” a ti.
Chief minister hian sorkar laipuiin a kalpui hma kum eng emaw zat ral taah Mizorama hman tur state health care scheme ruahman a nih thu a sawi a. Sum tam tak dah theih a nih loh avang leh chhan dang dang avangin a nih tur anga kalpui a nih theih loh hnuah kum 2018 kum tawp atang khan thar thawh lehin, tunah chuan sorkar laipui scheme nen kalkawpin, tichangtlung zelin huam zau zawka buatsaih zel tum a nih thu a sawi.
He huna tar lan anih danin hmarchhak state pariat zingah Assam chuan sorkar laipui scheme, AB PMJAY hnuaiah inziak lut mi 30,03,069 awmin an tam ber a. Sikkim-in mi 44,228 neiin a tlem ber a. Mizoramah mi 2,16,584 an awm mek.
He hunah hian H&FW Dept. Principal Secretary Esther Lalruatkimi, NHA CEO S. Gopalakrishnan, NHA Addl. CEO Dr. Basant Garg keh CEO Mizoram Dr. Biakthansangi ten thu an sawi bawk.
Meeting hi vawiinah chhunzawm a ni ang.