Gender Sensitisation Cell huaihawtin nimin khan Mizoram Christian College-in International Women’s Day an hmang a. He hun hi P&E Engineer in Chief Er Lalhmingliani Hmar-i’n khuallian niin a hman pui.
Khuallian Er Lalhmingliani Hmar chuan International Women’s Day thupui, ‘Embrace Equity (thleibik nei lova intluktlanna chawisan)’ tih thupui hmanga thu a sawi a. Mizo hmeichhe engineer hmasa ber ni tura a zirna kawngah mipate aia harsatna tawh tam bikzia a sawi a. “Harsatna paltlang tur hian hmeichhiaten theihna an nei a ni,” tiin, zirlaite chu an nunah chhungkua, hnam ziarang vawn nunna leh sakhuana ngai pawimawh ber turin a chah.
Assistant Professor Dr Lalhlimpuii kaihhruai inkhawmah hian khual zahawm Prof Lalneihzovi, P.A. dept leh Principal Dr. Tawnenga bakah, Asst. Prof. Dr. Vanlalpari ten thu an sawi bawk.