Aizawl: Zirtawpni khan Aizawl North II bialtu MLA Dr. Vanlalthlana’n a bial chhung sub-centre leh library a tlawh.
Kum hmasa lama a bial chhunga sub-centre-te a tlawh tawhna atanga mamawh an lo thlente chu bialtu MLA hian tihhlawhtlinsakin MLA fund atanga sub-centre mamawh a lei thenkhat, heng HB test-na, BP test-na, Dopler (naute lungphu enna) te, inbukna te a hlan.
Dr Vanlalthlana hian a bial chhung sub-centre tihchangtlun hi ngai pawimawhin nu nau pai leh inentir turten hospital an pan hmaa tangkai taka an chhawr theih tura thawm that a nih theih nan a theih chin chinah hma a la a ni.
Bialtu MLA hian sub-centre tlawh hnuah MLA fund hmanga a din, Ramhlun Vengthara Specialised Library pawh tlawh nghalin zirlaite tana tangkai tur lehkhabu tha tak tak, Vision IAS Coaching Centre note eng emaw zat a hlan nghal bawk.