Aizawl: Delhi-a cham mek, Environment, Forest & Climate Change (EF&CC) Minister T.J. Lalnuntluanga chuan nimin khan Dampa Tiger Reserve sum dawn tlai avanga thawktuten harsatna an tawh meka hmalak dan tur chungchanga Director General of Forests & Special Secretary, Director C.P. Goyal a kawm.
T.J. Lalnuntluanga chuan Director General of Forests & Special Secratary hnenah Dampa Tiger Reserve-a thawkten hlawh an lak theih loh avanga harsatna nasa tak an tawh tawh thu leh a rang lama thawktute hlawh pek chhuah a ngaih thu a hrilh.
Goyal chuan finance system thar chungchanga buaina an tawh thu leh, Mizoram leh Maharastra state bikah mutan an la neih thu a lo hrilh a, hemi buaipui tur hian forest officer-ten National Tiger Conservation Authority kaltlanga hma an lo lakpui tur thu a lo hrilh.
Sorkar kum kal lai (tun financial year) tawp hma ngeiin sum tangte pek chhuah a nih ngei theihna turin hma an lo lakpui tur thu a hrilh bawk.