Aizawl : North Ea- stern Council sum hm- anga sak, Lawngtlai AOC Venga Lairam Higher Academy of Science (LAHAS) Hos- tel building thar chu nimin khan Lawngtlai East bialtu MLA, Dy. Speaker ni bawk H Biakzauva’n a hawng.
Sorkar thuchhuahin a tarlan danin LAHAS hostel thar hi Lawngtlai AOC Venga LAH- AS complex-ah sak ni- in, za-a 30 NEC bud- get allocation for backward community of Lai community, 2021-2022 hnuaia sum hmuh Rs. 52,04,160 hmanga sak a ni a. A hna hi Lawngtlai DRD office-in vilin, a satu contractor Lalzahawma Chinzah, Law- ngtlai a ni a. April 28, 2022 aṭanga sak ṭan niin, December 3, 2022 khan sak zawh a ni.
Dy. Speaker H. Biakzauva Hostel thar a hawn hnuah Hostel chhung a fang kual nghal a. Sorkarin ram leh mipuite hmasawn nan sum a ui lo tih sawiin, asset ṭha tak tak din a nih theih nan state sorkar sum awm sa a hman bakah, sorkar laipui aṭang leh kawng hrang hrang dapin ram tana sum haichhuak turin theihtawp a chhuah ṭhin tih a sawi a. Lawngtlai district-ah pawh hmasawnna hnathawh tawh, thawh mek leh hmachhawp engemawzat a awm thu a sawi.
LAHAS chu kohh- ranin a enkawl mah ni se, thiamna leh finna pechhuaka, chumi hm- anga ram leh mipuite tihhmasawn chu sikul din chhan a nih angin ram tana hmalakna pawimawh leh chhenfakawm tak a nih hriain sorkar pawhin an mamawh phuhruk tura kutthlak a nih thu H Biakzauva chuan a bawk.
LAHAS hi LIKBK kohhran sikul niin, kum 2017-ah din a ni a. Mizoram Board of School Education (MBSE) zawmin, Mizoram sorkara School Education department-in February ni 7, 2018 khan Science stre- am zirna leh Arts stream zirna hawn phalna a pe a, Class XI leh Class XII zirna awmin, Class XI (Science)-ah zirlai 15, Class XI (Arts)-ah zirlai 15, Class XII (Science)-ah zirlai 17 leh Class XII (Arts)-ah zirlai 7 an awm mek a ni.