Ed Sheeran chuan a thiante pahnih Jamal Ewards leh cricketer Shane Wanre te’n 2022 kuma khawvel an chhuahsan khan dam chakna leh thlakhlelhna pakhatmah a ei tawh lo, a ti.
Rolling Stone magazine-in an kawmnaah a hun kal tawh zawng zawngah khan depression a buaipui tih ;a sawi a, nikum khan a aia nasa zawkin a thawk, a ti bawk.
“Min chimpil mai tur tuifawn nasa tak hnuaiah ka awm a, chuti ang chu ka dinhmun dik tak pawh a ni. Talchhuah emaw insaseng thei pawh khan ka awm lo,” tiin kum 32 mi hian a sawi.
Heti anga hun khirlh leh thim chhah tak a hmachhawn chhung zawng khan a nupui Cherry Seaborn hian hnaih takah awmpuiin, a thlamuan thin a, tanpui a ngaihnaah te a tan a ding thin a, a nupui chungah pawh a lawm thiam hle.