BJP thalaiin MNF Adviser, Minister ni bawk Lalruatkima’n Lunglei Municipal Co- uncil inthlan lo awm tur atana a campaign au hla ‘Nau chu a paituin a hrin a ngai’ tih chu Lunglei mipui tan MNF hnawl chhan tlak nia an ngaih thu an sawi.
MNF Adviser Lalruatkima’n LMC chu a paitu MNF-in an hri- na, an enkawl a ṭul thu a sawi chu Lunglei mi- pui zahlohna leh hmu- hsitnaa an ngaih tuh BJP thalai chuan an sawi a. “MNF sorkar kan hmuh tawh leh hmuh mek en hian a paitu in a hring a nih chuan mahni fa te ngaihsaklo nu leh pa kan hrawn mek avangin, Lunglei khawpui awm dan tur hi a hriat chian nghalin a lang” an ti.
BJP thalai chuan MNF chu mahni thu- tiam pawh tihhlawh- tling thei lova puhin, “mipui hmaa dawtsawi hreh lo te hi Mizoram mipui bakah Lunglei khawpui hian LMC inthlanah hian zirlai an lo pek ngei kan ring” an ti bawk.
Lunglei khawpuia hmasawnna hnathawh hrang hrang te chu central project atanga hmuh a nih tlangpui thu sawiin BJP, Mizoram thalai chuan “Lunglei by-pass road pawh paw- ngsual duhtu te hian Lunglei an hmangaih thar thut a rinawmloh” an ti a. “Chinghne Be- ram vun sin ang maia an inlana, mipui heti tak maia min hmusit hi na kan ti a ni” an ti.
LMC chu AMC ang maia mipui tana phutrit thlentu ni ri- ngawt lo tura an duh thu BJP thalai chuan sawiin, “LMC chu hmasawnna tak tak thlentu leh mipui tana awlsamna leh changka- nna thlentu ni tura central puihna nena LMC changtlung tak din a nih theih nan LMC-a BJP official candidate-te hi Lunglei mipui ten vote ṭheuh turin kan sawm a ni” an ti.