Mizoram Journalists’ Association (MJA) General Conference vawi 49-na chu Govt. Saiha College, Siaha Seminar Hall ah neih a ni.
Nimina MJA Conference chawhma inkhawma hi Lalremsiama, Vice President, MJA-in kaihruaiin M.Laikaw, CEM, MADC chu khuallian niin thuchah a sawi a ni.
Khuallian chuan Sixth Schedule chungchang sawiin constitution chhungah constitution, constitution within a constitution a ni a, inrelbawlna hran neia dan leh hrai insiam thei a nih avangin development council ang ngawt a nih loh thu a tar lang.
M.Laikaw chuan tun lai social media nasa taka thang chho mekah MJA-te tan la thara mipui rin leh innghahna tlak ni tura inbuatsaih thar turin a chah a ni.
C.Lalrambuatsaiha, President pawhin thu sawiin journalist-te hian hun khirh leh harsa paltlang tur tam tak a awm a, tun hun hi social media leh hri avanga harsatna an tawh laiin hemi hmun atanga chhuaka thu dik ral ve thei lo innghahna atana hmanga inbuatsaih thar turin a MJA member-te a chah bawk.
Chawhnu lamah rorel nein geneal report leh finance report pawm a ni a. MJA Gen. Conference vawi 51 chu Champhaiah nghah nise, Journalist Welfare Fund chungchang te, press enclave chak zawka hmalak tha an tih thu te MJA Constitution amendment te pass a ni.
Resolution pahnih pass a ni a, ‘Mizoram sorkar hian advertising & policy-ah tun aia tam zawk sum min dahsak rawh se,’ tih leh ‘Chanchinbu subcription bill leh advetisement bill awlsam zawka lak a nih theih nan sorkarin hma min laksak rawh se,’ tih te a ni.