Australia in run 21 in India lakah hnehna an chang a. Test series a an tlawmna phuba la in match thum khelhna One Day International Series-ah 2-1 in an chak.
Hnehna an chan avangin Australia hian anmahni mikhualtu India hi 50-over world rankings-ah khumin pakhatna an luah.
Chennai a M.A. Chidambaram Stadium a inkhelah hian India in run 270 target an um chu run 248-ah an tawp a. Australia bowler ten an vawm out zo.
Australia tan Adam Zampa che tha in wicket 4 a la. India in ball 38 atang chak tura run 52 an mamawh laiin leg spinner Zampa chuan run 40 siam tawh Hardik Pandya chu a vawm out a. Over dawtlehah Ravindra Jadeja wicket a la bawk.
Vuak thlang zawk Australia hian over 49 chhungin run 269 an siam. Anni pawh bowler Hardik Pandya chuan a over vawm hmasak pathumah wicket la vekin an talbuai hman teuh.
Ram pahnihte hian June 7-ah World Test Championships final an khel ang.