Aizawl : MNF sorkarin Lunglei by-pass road, double lane ṭha zawka siamna tur project PM DevINE scheme hnuaiah a thehlut fel tawh niin MNF thalaiin an sawi.
MNF thalai chuan thuchhuah siamin, Lu- nglei by-pass road siam tur chungchang an sawifiah a. Kum 2018 Marchni 15-a budget session-ah Congress party-in hemi kum November-a MLA inthlanpui neih tura Lung- lei leh chhim lam mipui rilru kawihher theihna a nih beiseiin Lunglei by-pass road siamna atan special NEDP scheme vuahchawpin a hming lekin Rs. vbc 10 dah turin a thuin ruahmanna an siam niin an sawi a. A taka sum hmuh erawh Rs. vbc 9 chauh niin an sawi.
“Congress sorkarin a hming leka Rs. vbc 9 a dah hi politics hma- nga mipui rilru hruaikawi tumna mai a nih avangin Lunglei by-pass road, double lane siamna tura hman tham a ni lo” MNF thalai chuan an ti a. MNF sorkar chuan Lunglei leh chhim lam mipuiin hmasawnna rotling leh ṭha zawk an neih nan PM-DevINE ah Lunglei by-pass road siam- na atan Rs. vbc 303.6 senna tur project a theh- lut fel tawh nia sawiin, kum 2023-2024 chhungin a hlawhtlinna hmel hm- uh hman an inbeisei thu an sawi.
PM-DevINE hnuaiah kum 4 atan Rs. vbc 6600 hmarchhak bial hmasawnna tura dah a nih thu MNF thalai chuan sawiin, hemi hnuaiah hian Chief Minister Zoramthanga hmalaknain Mizoramin Aiza- wl by-pass road siamna tur Rs. vbc 500 leh Bamboo link road laihna tur Rs. vbc 100 a hmu tawh bawk niin an sawi a. Kum 2023-2024 chhungin Lunglei by-pass road siamna tur Rs. vbc 303.6 chu PM-DevINE aṭang bawka hmu leh ngei tura beisei a nih tuh an sawi bawk.