Guitarist a nihna anga huhâng nei ber
“A tir te ah chuan, miril leh mibik ka tih mai- Chet Atkins bakah blues mihrâng Robert Johnson leh Muddy Watters te an lo lang a, an guitar play ngaithla hian ka seilian a ni ber. A hnu-ah rock player te ka zui leh.
Sawi hmaih thiang lo!
“Guitar player tak tak ni tura min nawr kaltu leh min chhertu chu Eddie Van Halen hi a ni. Music a kalpui dan te, a bitum bik leh a bur chatna te hi hrethiam vek sêng lo mah ila, min hneh hle. Rimawi hian pengthuam hrang hrangah min dinpui a, ka mamawh leh chakkhai dap tur ka zawng reng thin. Eddie a lo lan kha chuan siamthar lehna ka chang hi a ni berin ka hria.
Jonesy’s Jukebox hmâa inpuanna
“Mimal leh player ang pawhin Eddie-a fan ruhkawl ka ni a, 1978 kuma, ‘Van Halen’ a lo chhuah khan ka duh nghal hle a, style a kalpui dan te kha tumahin an thiam ve lo a, tluk loh rim a nam veng veng mai a ni. Guitarist ni tura min chhêr hriamtu sawi tur ni la, a hming hi ka lamri nghal ang,” a ti.
Hman deuh khan Black Sabbath guitarist Tony lommi pawhin Eddie Van Halen a fak nasa hle. “A theih ang hi ka thei ve lova, a thiam ang hi ka thiam ve lo,” a ti tawh bawk.