A der hmangaihnaah chuan:
1) I rilru leh ngaihtuahna zawng zawng kha a mawina leh taksa ah khan a bet thlap a. A hming pawh i hriat hma hauh khan i suangtuahna ah a lian hle mai bawk a, an mawinaah khan i farthla zawih zawih thin.
2) Eng pawh sawise, i care tehchiam lova, tawngkama in inbe lo chung pawh khan, nangmahah danglamna em em a awm hran lo bawk ang. A hmelthatnaa bual at tawh ni mahla, mi dang i la melh kual zui zel bawk.
3) In awm dun a nih pawhin i kut a hlei hle ang a, hun i hman pui tak tak thei loh chungchangah chhuanlam fahrah te te i nei teuh bawk ang. Eng emaw tihsak tura an ngen chein hun i neih lohzia i tlak duah ang a, in awm duna, sex lam pang sawi pui a theih loh chuan, i kham hluah hluah mai bawk ang a, a bula awm chu i ning hle ang.
4) I lo chetsual pui palh a nih pawhin i tukhum chhah lam i hawi khum zawk ang a, a lak atanga inthiarfihlim theihna kawng awlsam ber i zawng ruai ruai ang. Enkawl zui emaw, bawihsawm zui chu sawi loh, a lak atanga inlakhranna tur ringawt zawngin i phi cheng ang.
Hmangaihna dik takah chuan:
1) A rei lo lua : Darkar khat chu second khat ang maiin a liam nghal thin. I thusawi laiin i aw chu a khur deuh hlarh hlarh anga. Tawng tam vak loin, a ngaihthlak lamah i hun i hmang thin bawk ang.
2) Englai pawhin a mawi reng : A zing tho hlimhlawl i hmuhin, i hmangaihnain kian zai a rel chuang lo ang a, sam thur bem buma i hmaa a awm pawhin a laka i hmangaihna chu a dai chuang hek lovang. Thawmhnaw tawp deuha a inthuam i hmuh pawhin i mitah chuan Angel vuakthlak hlim hlawl ang a la ni tho dawn a nih chu(h).
3) Engkima i engkim : I hun hmanpui tur atan i duhthusam a ni a, i rilru a i vei leh i suangtuahnaah hmun a chang tam ber ang. In awm dun laiin emaw in awmhran hnu-ah pawh ni se, i ngaihtuahnaah a la thu ber zel dawn.
4) Hma lam hun thlirna ah : Mak tak maiin, nangmahah khan thil hriat ruk i nei ang a, chu chu a tel lova tlei a harsat zia leh i nuna a awm loh huna a nun awmzel nei lo tur i hmang dawn tih i hre lawk bawk ang. I thiante bulah emaw, i chhungte bulah pawh ni se, ‘ i tan liau liau’ a nih thu i sawi cham chi ang a, nupui atana neih hial pawh i rilruk ang.
5) Inhmelhriattirna : I chhungte, thiante hmaah inhmelhriattirna i nei ang. I rilru luahber tu leh i mumang timawitu ber mai chu i chhungte, thiante bulah hruaiin, hmelhriattirna i nei ang a, tichuan a ni pawhin inthlahrung lo takin an bulah a khawsa thin ang.
6) I ruahmanna ah a tel : I thiante nena in awm hoin emaw, i uite kai chunga khawi i lo i kalnaah pawh nise, i bulah awm ve se i ti thin. An tel ve lo a nih pawhin i rilruah a awm reng ang a, remchang hmasa berah phone hmangin, ‘I ngaih zia’ i hrilh mawlh mawlh thin bawk ang.
7) I nem deuh duai ang : Engtianga sek phiar tak pawh ni mah la, hetiang ang hunah chuan dawl zawr ang maiin i zawr deuh hnap dawn chiang. Ni danga music ri bur bur play a, bengchheng em em thin kha, tunah chuan a nêm lamah tan i la thung ang a, hla cool tak tak i play deuh reng tawh mai dawn a ni.