Miami Open-ah seeded number 6 hauhtu Coco Gauff chuan hnehna a chang nghal a, 6-4, 6-3 in Rebecca Marino chu hnehin third round a lut.
Gauff hian break point a neih vawi 9 atang vawi nga hmang tangkai thei mahse hnehna a chan hnuah a khelh that tum nia a hriat loh thu a sawi.
“Tlang taka sawiin ka kheltha vakin ka hre lo. Inkhel a hautak dawn tih ka hre sa a, break theihna hun nei mah ila ka che a nghet tawk lo.” tiin a sawi.
Gauff-i’n doubles a khelhpui thin world number 3 Jessica Pegula pawhin hnehna a chang a. Katherine Sebov 6-3, 6-1 a hnehin ani pawhin third round a lut.