Cleveland Cavaliers chuan Brooklyn Nets lakah a zawnin hnehna an chang a. Kum 2018 hnua a vawikhatna atan NBA Playoffs khelh an hnaih tawh hle.
Zirtawpni zinga Barclays Center-ah hian Cavaliers tan Isaac Okoro chuan second 0.7 a la awmin three points pawimawh tak a lut a. Hei hi Cavaliers chakna a ni.
Cavs tan Donovan Mitchell leh Evan Mobley ten point 31 leh 26 an score a. Cleveland hi game 10 atang vawi riat an chakna a ni a. Eastern Conference-ah playoff a seed sang nih an la inbeisei thei.
Nets tan Mikal Bridges chuan point 32 a score a. Spencer Dinwiddie chuan point 25 leh assist 12 a nei a, Joe Harris chuan 3 points vawi nga a lut ve bawk. Nimahsela a zawna vawi nga an tlawmna tur an dang thei lo.