English striker Harry Kane chu England chanchin a goal khung hnem ber a ni thar a. Italy lakah goal khungin Euro 2024 qualifying-ah hnehna nen bul an tan.
Ningani zana Naples a Stadio Diego Armando Maradona a inkhelah Kane hian minute 44-naah penalty atangin goal a khung a. Ram tan goal 54 a khungna niin record chelhtu Wayne Rooney chu a khum chiah a ni.
England tan Declan Rice chuan inkhel tan tir lamah goal a khung hmasa a. Kane-a goal shot an dan per chu goal-ah a khung. England captain hian World Cup quarter-final a penalty a khung loh chu nawtrehin an chakna goal ni tur a khung.
England hian kum 1961 hnua Italy lakah away inkhela hnehna an chan leh hmasak ber a ni a. Azzurri hi first half-ah an khelh that loh avangin an fans ten halftime-ah an au el hial.
Second half-ah erawh an insiamtha a, England inkhel a tlahniam ve thung.
England defender Harry Maguire tihsual chu remchangah la in Italy tana a vawikhatna atana inkhel Mateo Retegui chuan goal khat a khung.
English full-back Luke Shaw chu minute 10 a la awmin yellow card pek nawn a ni a, a tawp thleng player 10 a inkhel zo England in hnehna chang turin an tang tluan thei hram.
Record siamtu Kane chuan, “Ka tan zan duhawm a ni a, team tan pawh zan tha a ni. Italy-ah hnehna kan chan lohna hi a rei tawh a, tuna kan hlawhtling thei hi a lawmawm hle.” tiin an chak hnuah a sawi.
Napoli leh Italy a hrang?
Italian football thuneituten England mikhualna turin Stadio Diego Armando Maradona an thlang. He stadium-ah hian Naples khawpuia fans te avangin away team tan inkhelh a harsa thin.
Italy in hetiang boruak nena England hmuah an lo tum a, mahse beisei angin thil a kal lo.
First half-ah an khelh that loh avangin fans thawm a nung lova, second half-ah chiah thawm an nei ring.
Hei bakah Napoli fans te hian Italy team hi tunhma atang tawhin an khaw club aiin an tan lo zawk fo thin. Italy leh Argentina inkhelh tuma an fa chuan Maradona ram tan zawktu awm nukna ram an ni. Tun thlengin thinlung taka Italy la tan lo an awm tih a hriat a, thutna ruak hmuh tur pawh a tam.