Fur kan hmachhawn leh ngei dawn. Ruah bawhawk a awm leh ngei dawn bawk. Hetiang hunah hian chhiatna a thleng leh thin a, kan kawlphetha hrui leh kan inbiakpawhna line hrang hrang a chhe nasa thin hle. Heng chhiatna thleng thin lakah hian inven theih ni lo mah se, a theih ang anga lo inhmakhua leh fimkhur lawk hi chu a theih a, kan thiam deuh deuh pawh a tul awm e.
Kum hmasa lama ruah leh thli thawkah pawh hmun thenkhatah chuan kawlphetha hrui chat a awm nual a, thawktu an indaih loh miau avangin hnatlanga thawhchhuah ngai a awm leh fo thin a nihkha. Vawiin thlenga kawlphetha la neih mumal loh phahte pawh an awm a niawm e.
Kawlphetha man kan bat teuh teuh lai hian a awmsa hman kawngah erawh hi chuan inkhairual thei hram se la, sorkar pawhin thawktute hi dah belh dan ngaihtuahin, thingtlang hmun kilkhawr zawkte pawhin eng tha an neih theihna turin che chhuak thei duty dah belh dan mawlh ngaihtuah rang teh se.
A tawpkhawkah hi chuan sorkar zel hi kan mamawh leh auh an ni a, a ti theitu ber an ni bawk. Hnatlanga chhuah fo ngai lo hian hetiang chhiatna a thlen palh thuah pawh hian thawktu indaihzai awm thei ngei se a va duhawm thin em.