Aizawl: North East Film Festival, Mumbai lo awm turah Mizoram atangin film pahnih chhuah tura thlan a ni.
Film festival-ah hian Mizoram atanga film chhuah tura te hi ‘A star is born’ 28 minute documentary, Napoleon RZ Thanga siam leh ‘Eleision’ 24 minute short film Raymond Remlalmuana siamte an ni a. NFDC Campus, Mumbai-ah March 24-26 chhungin chhuah a ni ang.
He film festival-ah hian hmarchhak state atangin documentary film 17, short film 22 leh feature film 12 mipui en theih turin chhuah a ni dawn a, NFDC Complex (Film Division complex ni thin) hall paliah a ruala chhuah a ni dawn a, film screening bakah master class, interactive session, pitching session, traditional dance leh fashion show bakah Bollywood filmstar thenkhatte pawh inlan tura sawm an ni.
Film festival hi National Film Development Corporation (NFDC) bul tum, Sikkim Film Board huaihawt (organise) a ni.