MNF thalaiin Lunglei chu Municipal Council hnuaiah awm tawh dawn mah- se, mipui tana ni 100 inhlawhna kalpui zelna tur sorkarin budget-ah a dahfel tawh niin an sawi a. Lunglei khawpui hmasawnna turin MNF sorkar aia hma la ṭha an la awm lo niin an sawi.
Lunglei khawpui chhung hmun hrang hranga MNF thalaiin vantlang inkhawm an buatsaiha thusawitu hr- ang hrang – Dr. R. Lalthangliana, C. Lalrinsanga, Lalruatkima, Robert Romawia Royte leh midang te pawhin Municipal Co- uncil chu Lungleia mi hmasate leh tlawmngai pawl hrang hrang te pawhin an lo dil tawh ṭhin thu leh MNF sorkarin Lunglei mipui hmasawnna tur a duhsak avangin a tihhlawh- tlinsak ta niin an sawi hlawm niin MNF thalai thuchhuain a tarlang.
MNF thalai chuan Lunglei khawpuiin mahni puala budget a nei ve tur chu eptu party ṭhenkhat chuan an itsik emaw tih turin Lunglei mipui tihhnualna turin LMC budget a tlem tiin an sawi ṭhin niin an sawi a. “Heng mite hian Lunglei mi- pui bum nan thudiklo mipuite hnenah an thehdarh tih hi mipui ten an hriat kan duh a ni” an ti a. “Lunglei khawpui hian Mizoram sorkar nen ṭangkawpin a inenkawlna tur budg- et a siam chho ve ṭan dawn a, budget siam theitu tur leh pass thei tur te thlang turin Mizoram sorkar chuan hma a la mek zawk a ni” an ti.
Lunglei khawpui dinhmun ṭha zawka siam turin MNF sor- karin nasa takin hma a la nia sawiin, “MZU southern campus dinna tur pawh MNF sorkar chuan sualchhuakin, sorkar laipui aṭang pawhin kum 2020 January ni 17 khan MZU southern campus din remtihna hi hmuh a ni tawh” an ti a. Mizoram sorkarin mawhphurhna leh tih tur a neih ang ang te tihhlawhtlin a nih tawh hnuah sorkar laipui hmalakna ngaihchan leh mek a nih thu an sawi bakah Mizoram district capital danga awm lo DIG (Southern Range) pawh Lunglei khawpuiah sorkarin a dah tawh tih an sawi.
Chief Minister Zoramthanga hmalakna avangin Lunglei by-pass road, double lane ṭha zawka siamna tur tender pawh Ministry of Road Transport & Highway hnuai aṭanga chhuah mek a nih thu MNF thalai chuan an sawi a. Lungleia zirna leh ṭhalaite infiamna kawng hrang hrang si- amṭhat kawngah MNF sorkar tluka hnathawk nasa Lunglei khawpuiin a la hmu lo niin an sawi.
SEDP sem kawngah MNF sorkar chuan a intiam angin hma a la chho zel niin MNF thalai chuan an sawi a. “SEDP pilot project hnuaia Vawk vulhtu chhungkaw 300 chu- ang te chu Rs. nuai 3 pek tawh an ni” an ti a. Chhungkaw 60000 hnenah ṭanpuina Rs. 50,000 sem chhuah mek a nih bakah, 2nd phase atan chhungkaw 60,000 chuang hnenah Rs 50,000 sem tura hmalak leh mek a nih thu sawiin, SEDP Rs. nuai 3 aia tlemlo an dawn vek theihna turin sorkarin ṭanpuina kal chhohpui zel a tum niin an sawi bawk.