India-a eptu party lian ber, Congress chuan tun hnaia parliament member a nihna an hnawlsak tak, an hruaitu, Rahul Gandhi thlawpna an lantir.
Gandhi-a hi kar hmasa khan mi tihhmingchhiat thubuaiah kum hnih lung in tang tura hrem niin MP a nihna atang pawhin an paih nghal bawk.
Court hian kum 2019-a inthlan campaign-naa thu a sawinaah Prime Minister Narendra Modi-a hming chu a sawi nawmnah vangin a hrem a ni.
Congress chuan an hruaitu hrem a ni hi politics-a inbeihna vang chauh niin an sawi.
Rorel lai, BJP erawh chuan hei hi phain Gandhi-a nihna paih a nih chhan chu dan ang thlap a nih zawk thu an sawi.
Thawhtanni khan Congress hruaitu eng emaw zat chuan Delhi-ah a ni hnih nan Gandhi-a hnawl a nih duh lohna an lantir leh.
Himachal Pradesh, Rajasthan, Telangana, Punjab, Haryana leh Gujarat-ah te pawh Gandhi-a thlavang hauhna hi huaihawt niin party worker-ten kawng an zawh.
Delhi-ah hian eptu party dangte pawhin an zawm a, Parliament hung chhung thlengin duh lohna hi an lantir.
Tam tak chuan Lok Sabha chhungah kawr dum an ha a, tun hi kar hmasaa Gandhi-a MP atanga paih a nih hnua rorelna in hniam zawk thutkhawm leh hmasak berna a ni.
Parliament chhungah pawh duh lohna hi lantir zui a ni a, inkhawm pawh vawi eng emaw zat tihtawp lailawk a ngai hial a ni.
Session tan hma hian Congress MP Pramod Tiwari chuan BJP leh Prime Minister Modi chuan ram a tihlum mai dawn niin a sawi.
“Parliament chhunga thil kan sawiin rorel kal lai an tibuai,” a ti a. “Pawn lama thil kan sawi leh kan party hruaitute chu an nihna hnawlsak an ni bawk si,” a ti.
Gandhi-a hi Congress party MP niin chhim lama Kerala state-a Wayanad bial atanga thlan tlin a ni.
Kum 52 mi hi Nehru-Gandhi thlah kal zela niin an chhungkuaah hian prime minister pathum zet an awm tawh a, MP atanga hnawl a ni hi kum 2024 inthlanpui neih hma lawk a ni.
Gujarat-a court chuan ni 30 chhung bail-in a chhuah mek a, hetih chhung hian court dangah a thubuai ngaihtuah nawn turin a thlen thei ang.
Gandhi-a hian a chunga hremna chu politics-a inphiarna mai a nih thu a sawi a, amah thlawptute pawhin MP atanga hnawl a ni chu India-a mipui rorelna kalhmang a rawih telh telhzia a lang tih an sawi ve bawk.
Pathianni khan Gandhi-a farnu, Priyanka Gandhi Vadra chuan a nutapa chu Prime Minister Modi hnena Adani conglomerate dintu, Gautam Adani nena an inkungkaih dan zawhna khirh tak a zawh avang chauhva hrem niin a sawi bawk.
Conglomerate lian tak hi kumin kumtir lamah khan US-a short-seller Hindenburg Research chuan kum tam tak chhung thil dik lo tam taka tiin pawisa pawh an tichingpen nasa niin a sawi a. Adani Group erawh chuan an pha thung.
Nilenga Congress-in Gandhi-a hnawl a nih duh lohna an lantirnaah Vadra-i chuan Modi-a chu ‘mi dawihzep’ tia sawiin, ‘a thuneihna phena biru’ tiin a sawi bawk.
“Ka lakah thubuai pawh siam ula, lung inah pawh min dah rawh u; mahse, hei hi thu dik chu a ni tlat,” a ti.
Vadra-i chuan an party chuan BJP chu an bei zel dawn tih a sawi bawk.
“Kan chhungte hi an thisen nen he rama mipui rorelna atan hian an thawk a. Hetianga min vau zau tum emaw, central agency hmanga min tihlau thei emaw intite hian an hre dik lo a ni. Kan hlau dawn lo,” a ti.
Hetih lai hian eptu MP eng emaw zat chuan Parliament-ah Adani Group chet vel dan chhui tura tihna an aupui nasa hle bawk.