Aizawl: Lawngtlai district chhung, Vaseikai leh Longpuighat inkara Tuichawng lei dawh chu nimin chawhma dar 10:45 bawr vel khan lirthei lian pakhatin a zawh laiin a chim.
Lei hi Hyva company truck alkatra phur pakhatin lei chanve vel a zawh laiin a chim a, truck chhunga chuang, a khalhtuin hliam a tawrh nat deuh avangin BSF lamah enkawl tura hruai niin, handleman erawh ngaihtuahawm a nih loh thu thudawn a ni.
April 6, 2022, tlai lam dar 5:30 bawr vel khan tuna lei chim ta, lei hlui zawk thlakna tura a bula lei thar dawh mek chu hnathawh laiin a chim tawh bawk.