BTS Jimin-an a tir lamah khan band-a tel tumna engmah a neih loh thu leh Suga nena an inhrawn hnu-ah erawh a rilruthlakin BTS tan a inpek hlawm tawp thu a sawi.
Big Hit Music hnuaia trainne a nih tirh lam chungchang chu online talk show Suchwita-ah sawichhuakin, “Trainee anga agency ka zawm tirh lam khan team-a tel emaw inhnamhnawih tumna reng ka nei lo. A chhan pawh, ka team an nih loh vang a ni.
Mahse, Suga ka hriatchian hnu ah leh kan inhrawn takah khan thutlukna ka lo siam tawh chu ka thiat ta nghal vek a ni,” a ti.
Thi thlen dan pawh vawrhchhuak zauhin, “Khami zanah khan light kan off vek tawh a, mahni khum theuha kan mu. Namjoon kha a hnar ring viau mai a, Suga hi ka lam hawin, ‘Zai i thiam teh mai a nia aw.. kan team-a lo tel ve ngei turin ka duh che’ tia khunkhan leh tih takzeta min hrilh khan ka thil tum leh beiseina a rawn chhem alh nghal,” tiin zankhat thil thu leka BTS member nghet leh rintlak, kawng engkima an innghahna ni tel bawk tura ke pen hmasak ber chu a penchhuak niin, a thil tawn chungchang a sawichhuak.