Bollywood actress Madhuri Dixit-i fan ruhkawl pakhat chuan ‘The Big Bang Theory’ episode kalpui danah Netflix laka legal notice thawnin, an ngaihpawmawh loh chuan thubuai lian tak siamsakah a vau.
Political analyst ni bawk Mithun Vijay Kumar hian season two-a episode hmasa ber paih turin a ngen a, heta bollywood actress laka mawi lo taka tawngchhuahna chu enliam theih a ni lo, a ti.
Episode-ah hian a changtu pahnih Kunal Nayyar leh Sheldon Cooper te chuan Indian actress pahnih Aishwarya Rai leh Madhuri Dixit te chu an khaikhin.
Legal notice-ah Kumar-a’n heti anga khaikhinnaa an tawngkam hman hi pawisawina lian tak anih bakah intihhhmingchhiatna dik tak nia sawiin, “An thiltih danah company lian ang Netflix hian mawhphurhna an lak ngam a ngai a, cultural hlutna leh thil ‘sensitive’ angah te bakah rawng an bawlsak community te rilru sukthlek te hi thui tak an hriatthiam a ngai hle,” a ti.
Kumar hian legal notice hi Mumbai-a Netflix office-ah a thawn tawh a, he episode hi rang taka paih tura ngenin, a ngenna an tihhlawhtlin loh chuan thubuai lian tak siamsakah a vau zui nghal.
Episode-ah hian Sheldon-a’n Aishwarya Rai chu mirethei baihvai Madhuri Dixit angin a chhuah a, Rai pawhin Aishwraya Rai nena khaikhinnaah Madhuri chu KS tlahawlh tak angin a chhuah ve bawk.
Chuck Lorre leh Bill Pady te buatsaih, ‘The Big Bang Theory’ hi American show tihchhuah tawhah chuan mite ngainat ber zingah a tel pha.