Ecuador-a tlangram khuaah lei minin chhungkaw eng emaw zat chhilhin mi 16 vel an thi.
Kang thelhtu, police mi chhanchhuah thiam bik team chu Andes tlanga Alausí canton-ah hian mi tang leh chin hriat lohte zawng tura tirh an ni.
Chirhin a chhilh kar atangin mi paruk chu dama lak chhuah an ni a; mahse, sorkar chuan mi pasarih vel chin hriat an la ni lo tih a sawi.
Hliam tuar thahnem tak an awm bawk.
Tual chhung chanchinbute chuan mi chengte hi ruah nasa taka a sur hnuah an awmna chu lei min leh tawlh mai theihna a nih thu hrilh lawk an ni tih an tar lang a. Ni rei vak lo liam ta atang khan Alausí leh Guamote kalpawhna kawngpui pawh a khik nasat avangin khar a ni tawh.
Mi cheng pakhatin tual chhung chanchinbu hnenah Pathianni zan khan ‘tlang chu rocket ang maiin a rawn inkhawh thla zuai mai’ niin a sawi a, lung leh leiin chenna in tam tak a chhilh niin a sawi.
Tual chhung chanchinbuten video an thehdarhah chuan tlangram kawngte chu a chhe vek tih a lang.
A hmaa police-in video an dah chhuahah chuan miten sihdet nen thim hnuaiah dam chhuakte an zawng lai a lang bawk.
Tual chhung radio reporter-te chuan chhiatna thleng chu ‘a rapthlak tak zet’ tih sawiin a tuartu chhungte chu an laina zawngin an tlankhawm nghal tih an sawi bawk.
President Guillermo Lasso chuan an rama risk management agency chu tanpuina awm thei ang ang pe nghal turin a hriattir nghal.
Lei min avang hian Riobamba leh Cuenca khawpui inkalpawhna lun tak pawh khar rih nghal a ni.
Ecuador hi chawlhkar khat liam ta mai khan chhim lamah lirnghingin sawiin mi eng emaw zat an thi bawk.