Aizawl : BJP Mizoram State Vice President Vanramchhuanga, President charge la tu chuan Prime Minister Narendra Modi-a’n Manki Bhatt programme-a a thusawi chu a Kristian hle niin a sawi.
BJP Mizoramin thawhtannia chawlhkar thar inhlanna leh political session an neihah thu sawiin Vanramchhuanga hian, PM Modi-a’n Manki Bhatt programme-a a thusawi chu Kristiante sawia mawi a nih thu a sawi a. “Pu Modi-a chuan mirhing organ-te chu midang tana donate turin min ngen a, Mizoramah erawh tih theih a la nilo mai thei a, mit donate erawh tih a ni thung. Kan mihring hun tawp huna kan taksa peng te midang tana malsawmna a nih theih nan a pek ve te pawh Mizoram mipui te hian kan la tih ve ngei a rinawmin a Kristian hle dawnin a lang,” a ti.
ZPM Leader Lalduhoma kaihhruai ZPM hi lo sorkar ta se, BJP do tu te hian an do te hnen atang hian an dil engmah an hmuh a rinawm lo tih sawiin, “A chhan chu, India President thlan naah lah kan tribal pui anih vanga Droupati Murmu-in vote a dilna chu hnawlin min vote pui theih loh thu an sawi kha, central hian an theihnghilh ngai dawn lo a ni,” tiin, ZPM hi inhampuar viau mahsela Utawk inhampuar ang chauh an nih tur thu a sawi.
Kristianna lem lutuk avang hian Mizoram hmasawnna a tithuanawp nia sawiin, “Kristian eiruk pawisa lo, political leader nupui nei reng chunga hmeichhe dang kawp hreh lo, kohhran upa nisi eiruk pawisa lo te kan nih nawk avang hian, kan Kristian-na dinhmun pawh hi pawngsual ang hial niin a lang a,” tia sawiin, BJP chuan Mizoram leh Mizo hnam leh Kristianna hi India ram a ringlo mi te mithmuhah Pathian hming sawichhiatna remchang an hmuh loh nana siam hi an tum thu a sawi bawk.