Aizawl: Chawlhkar kalta Zirtawpni leh nimin, Thawhlehni inkar khan Excise & Narcotics Department (END)-in heroin gram 913.800 (hawng 68) an man.
March 24, 2023 khan END hian P&E Veng, Serchhip-ah heroin gram 33.530 (hawng 3) leh a neitu nia puh mi pahnih – Lalneihmawii (45), N.Khawbung leh Rosiamliani (43), P&E Veng, Serchhip-a khawsa nia inchhalte chu an man.
March 25, 2023 zan dar 10:30 khan Mualvawm, Serchhip District-ah heroin grams 37.830 (hawng 3) leh a neitu nia puh mi pahnih, Lalnunmawia (22), Darnam Veng, Serchhip leh Hmingthianghlimi (26), Khuangthing, Serchhip District-a khawsa nia inchhalte an man bawk.
Anti-Narcotics Squad, END chuan March 26, 2023 (Pathianni) chawhnu dar 2:10 khan Zarkawt leh Thuampui vengah heroin gram 353 (hawng 27) leh a neitu nia puh mi pahnih – Thangngaihlian (45), Khawmawi, Myanmar leh Khenchung (49), Suanzang, Myanmar-a khawsa nia inchhalte chu an man.
Pathianni zan dar 6:10 khan Tuikual South-ah heroin gram 16 (Tictac bur 49) leh a neitu nia puh – Sangsawmlala (30), Champhai Bethel, tuna Tuikual South-a khawsa mek nia inchhal an man bawk.
Thawhlehni zing dar 3 khan END hian Thenzawl bul Muallet hmunah heroin gram 396.440 (hawng 30) leh a neitu nia puh mi pathum – Lalpanliani (48), Zokhawthar, Neuva Section; Lalropeka (29), Kahrawt Veng, Champhai leh Lalnuntluanga (32), Dinthar Veng, Champhai-a khawsa nia inchhalte an man.
Nimin khan Anti-Narcotics Squad-in Bawngkawn Shalom vengah heroin gram 77 (hawng 5) leh a neitu nia puh – Ninkhansing (33), Munlai, Tahan, Myanmar, tuna Bawngkawn Shalom Venga khawsa mek nia inchhal an man bawk.
Heroin vanga mante hi dan tlawhchhanin thubuai siamsak an ni.