Awmbawr langsar taka tihlan bakah a lai tak maia pathiannu Laxmi lem a awrh bawk vangin Taapsee Pannu lakah thubuai ziahluh a ni.
Bollywood actress lar tak inlan dan hian sakhuana thilah mi tam tak rilru a tina a, thlalak mawi lo leh duhdah takah ngaiin, Eklavya Singh Gaur chuan complaint a thehlut.
Chhatri Pura Police station-a officer pakhat chuan, “Eklayvya Gaur (BJP MLA Malini Gaur-i fapa) hnen atangin complaint kan dawng a, Taapsee Pannu hian sakhuana thilah mi tam tak rilru a tinaa puh a ni a, chu bakah ‘Sanatan Dharma’ locket a awrh bawk a, hetah hian pathiannu Laxmi lem a lang bawk. March 12-a Mumbai-a Lakme Fashion Week-ah khan heti ang hian Taapsee hi a inlan,” a ti.