Scotland in European Championships khelh phak tuma ke an penna kawngah result pawimawh tak an nei a. Spain barakhaih in an lakah hnehna an chang.
Thawhlehni zanah Hampden Park-ah Scotland hian Spain an mikhual a. Minute 7-naah an inkhel hmasa zawka Scotland tana goal hnih khung tawh Scott McTominay chuan goal a khung lehnghal a. Inkhel entu mipui 47,000 chuang thawm a ring.
Spain in an team an siksawi nasa a, heti chung hian first half inkhel a kal rei deuhin an hlauhawm thin a. Steve Clarke-a pawlten goal an veng uluk a, an vanneih chang a awm thin bawk.
Mahse a pawimawh ber goal a ni a, Spain in an khung theih loh laiin Scotland in an thei bik tlat. Second half tan hnu lawkah first half ang thovin McTominay bawkin Spain tlarhnung a pal darh a. Minute 51-naah an goal hnihna a khung.
Scotland hian kum 39 chhunga a vawikhatna atana inelna pangngai a Spain an hneh vawikhatna a ni a. Group A-ah hmahruaitu an ni mek.
Scots an lawm, result mak a ni lo
Football thlirna atanga tehin, ram pahnihte buk a inrih hleih a. Spain hi chiang takin rinkai an ni zawk.
Nimahsela Scotland team hi ngaihthah theih an ni lo. English football a hming langsar player an nei nual a, an team an tangrual hle.
Veilam sirah Andy Robertson a tangkai a, tlarhnung a nawr luh Kieran Tierney nen an inthlawp hneh.
Midfield-ah chakpuitu McTominay bakah John McGinn leh Callum McGregor te inkawp an taima hle bawk.
Goal khungtu McTominay chuan, “Kan kheltha tak zet. Ball an chang hnem dawn tih kha kan hre sa a, chuvangin manager in kan huntha neihte hmang tangkai turin min fuih.”
“Chak turin kan tih ngaite mi zawng zawngin kan ti vek. Hetiang inkhelah hi chuan a hmahruaitu nih zawk chuan inkhel kan tih muan a tul a. Kan dinhmun humhim turin engpawh tih kan inhuam a ngai a ni.” tiin a sawi.
Croatia an chak ta
Croatia in Euro 2024 qualifying a an hnehna hmasa ber an chang a. 2-0 a Turkey hnehin Group D-ah pahnihna an ni mek.
Bursa Büyüksehir Belediye Stadyumu a inkhelah Croatia midfielder Mateo Kovacic chuan minute 20-naah goal hmahruai a khung a. Turkey goalkeeper Mert Gunok a che hman lo.
Halftime dawnah Kovacic bawk a che leh a, Mario Pasalic goal khung tur Gunok chuan a dan per chu nang fuhin an goal hnihna a khung.
Turkey hi tlawm mahse an mualah an khel chhe bik lova, inkhel tir lamah chance tha an insiam nual a, Croatia goalkeeper Dominik Livakovic chuan an ram a chhanhim tha thei hle.
Turkey tana chanchin lawmawm lo awm erawh captain Hakan Calhanoglu inhliam a ni a. Minute 36-naah lakchhuah ngaiin eng chen nge a chawlh dawn hriat a la ni lo.