Aizawl : PC party President Vanlalruata’n Mizoram sorkar sum chet vel dan mak a tih thu thuchhuah siamin a tarlang a. Thilmak leh maklo chu a thlirtu a zir nia sawiin, Mizoram sum dinhmun pawh mak a tih fo laiin mak ti lo an awm niin a sawi bawk.
Vanlalruata chuan “sorkar pawisa kum 2020-21 tawp March ni 31, 2021 ah Reserved Bank of India (RBI)-a Mizoram account-ah chengkhat- mah awm lovin Rs. vaibelchhe 123.35 in- daihlohna kan nei a, hetianga RBI-a minus kan nei hi kumthara harsatna min siamtu a ni thin” a ti.
March ni 31, 2021-ah vek hian Mizoram sorkara sum khawihtu officer (dr- awing and disbursement officer) 709 zînga 285 chuan an savings/current account-ah pawisa tam tak tak an kawl niin PC party President chuan a sawi a. Mizoram sorkara sum khawihtu officer te sum kawl belhkha- wm chu Rs. vbc 456. 59 a nih thu a sawi.
PC President chuan “Hetianga sum khawih kual hi thil hlauhawm tak, corruption kawngkhar zâu taka hawngtu a ni,” tiin, “Sorkar hi- an hetiang kal dan hi titawp se kan thatpui zawk ka ring tlat a ni,” a ti bawk.