Kumin January ni 1 atanga nimin thle- ng khan Champhai Di- strict Police-in ND& PS Act, 1985 tlawhchhana thubuai 20 ziaklutin, mi 27 an man a, an mi man zinga 6 te chu ramdang mi an ni.
District level narco coordination centre (NCORD) committee thutkhawm nimina neiha tarlan a nih danin, kumin January ni 1 atanga nimin thleng khan Champhai District Police-in Heroin hawng 524 (gram 6305.96) an man a. Tualchhung market-a a hlut zawng Rs 1,57,20,000 nia chhut niin, heng zinga Hawng 16 te chu Assam Rifles nena joint operation vawi 4 an neiha an man a ni.
Hemi hun chhung vek hian Ganja kg 6.35, tualchhung rate-a Rs 9,525 man chu Assam Rifles nena tangkawpin an man a, Alprazolam mum 450 (gram 30), tualchhung rate-a Rs 15,000 man man bawkin, kumina Champhai District Police-in ruihhlo an man zawng zawng hlut zawng tualchhung rate-a chhutin Rs 1,57,44,525 a a ni.
Excise & Narcotics department Champhai pawhin kumin January ni 1 atanga nimin thleng khan ND&PS Act, 1985 tlawhchhana thubuai 15 ziaklut tawhin, mi 21 an man tawh a, an mi man zinga mi 5 te chu ramdang mi an ni.
Excise & Narcotics department Champhai-in ruihhlo an man tawh – Heroin gram 1199, tualchhung rate-a Rs 5,43,800 man niin, heng zinga hawng 70 (840 gram) te chu Assam Rifles nena joint operation an neiha an man a ni.