Top label pakhat nena licensing chungchanga thu inchuhna awm vangin Spotify atangin Bollywood hla thahnem tak paihchhuah a ni.
Heti anga hla lar leh hlut hlawh tak takte dahchhuah a nih vang hian fan tam tak an lungawi lo hle a, Indian label lar Zee Music Company kaltlanga tihchhuah hla te chu playlist atangin a bo duak mai.
Zee Music hi India rama lar pahnihna niin, Bollywood music 50% chuangzet te awmkhawmna a nih vangin heti anga Spotify nen thu inchuhna vang hian Bollywood hla ngaithla thin leh ngaina te tan chuan a thinrimthlak hle a, company pahnih te inhmuh thiam lohna vanga an lo tuar ve ngawt chu an pawm thei lo.
Tunah hian film hla lar tak tak- Bajirao Mastani, Ram-Leela leh Gully Boy te chu service atanga lak bo vek ni tawhin, ‘Apna Bana Le’ te pawh a lar het het tehreng nen, Spotify-ah hian hmuh leh ngaihthlak theih a ni tawh lo a ni.
Spotify chuan Zee Music nen licensing-ah thu khat vaw thei lovin an awm mek a, lungawitlanna khawp thurualna an nei thei lova, inbiakna awm tawh zawng zawngah anni lam chuan kawng chi hrang hrang zawng rengin engtik ah emaw chuan lungrual taka thawhhona neih thuai an beisei thu thuchhuah siamin an tarlang.