Dan sawi hlawh tak ni reng, Armed Forces Special Powers Act (AFSPA) chu Assam-a district pariatah hman zui turin pawh sei a ni.
AFSPA hmanna hmunte hi ‘ram buai huam chin’ tia sawi mai thin a ni a, district pariata hman zui lehna tur hi April 1 atangin a intan dawn a ni.
AFSPA hman zui lehna turte hi Tinsukia, Dibrugarh, Charaideo, Sivasagar, Jorhat, Golaghat, Karbi Anglong leh Dima Hasao district-te an ni a. Assam home leh political department chuan hriattirna pawh a chhuah tawh a ni.
Hetih lai hian ‘ram buai lai’ hi Cachar district-a Lakhipur sub-division-ah chuan hlih a ni ve tawh dawn thung.
Lakhipur-ah hian dan leh thupek kenkawhna uluk taka ennawn a nih hnuah AFSPA hi hman zui a tulna a awm tawh lo nia ngaih a ni.
Sorkar laipui chuan AFSPA pawh sei tur leh tur loh hi a ennawn a, Assam, Nagaland leh Manipur-a hmun eng emaw zat chuan April atang hian an hmang zui tawh dawn lo.
AFSPA hi thla ruk danah ennawn thin a ni.