Tripura-a BJP MLA pakhat chu state assembly session neih laiin a mobile phone-ah puitling film (porn) a en lai ni awm tak social media-ah a darh a, sawisel leh demna a tam hle.
MLA hi Bagbassa bialtu, Jadav Lal Nath a ni a. Assembly-ah hian an state budget an sawiho laiin video hi a en nia hriat a ni.
Video hi a hnunga thu pakhatin a lo lak fuh a ni a, a lan dan chuan a phone hmaiah chuan video clip hrang hrang en thlaiun pornographic ni awm taka lang a lan chuan a tiding a, hetih lai hian speaker leh MLA dangte chu an tawng mawlh mawlh tih a ri atangin a hriat bawk.
BJP pawhin an MLA hi insawi fiah tura tiin an ko nghal niin an insawi a. Nath-a hian hetianga session laia video en anga an puhna hi a la chhang lo va, an zawh veleh a haw nghal nal nal nia sawi a ni.
Tun tum hi BJP hruaituin mi hmuha porn a en vawi khatna a ni lo va. Kum 2012 khan Karnataka-a BJP sorkar laiin minister pahnih chu state assembly rorel laiin porn clip an lo en tih hmuh a ni a, bâng tura tih an ni.
Minister pahnih, Laxman Savadi leh CC Patil te hi an bân hnuah an chet dan chu chhui a ni a, engmah pawi a lo awm loh avangin an nihna ngaiah dah leh an ni.