Aizawl : Congress thalai (MPYCC)-in Union Home Minister-in Mizorama Rs. Vbc 315.05 project a hawng tur leh Rs Vbc 2,098. 97 hu project dang 6 lungphum a phum tur lawmawm an tih thu an sawi a. A theih anga an vil zui tur thu an sawi.
MPYCC chuan “Mizorama project lian – Falkawn Referal Hospital te, Tuirial Hydel Project te leh a dangte tithuanawp tawhtu MNF sorkar hian heng hmasawnna sum tam tham tak hi sum ngainatna avangin engmahlo ah an chan leh mai ang tih erawh kan hlauthawng hle” an ti a. MNF sorkara rinna nghah har an tih tawh thu an sawi.
Union Home Minister-in a hawn tur leh lungphum a phum tur te chu Mizoram sor- kar, Zoramthanga kaihhruai hmalakna ni lovin Central BJP sorkar tih vek a nih thu Congress thalai chuan an sawi a. MNF sorkar chu a taka lo dawngtu mai chauh zawk an nih thu an sawi bawk.
71st BN Mullick Memorial All India Police Football Championship Men 2022-2023 a Mizoram Police team an Champion pawh Congress thalai chuan lawmawm an tih thu sawiin, team 34 zinga pakhatna nih chu ropui an tih thu an sawi a. Player te leh team enkawltute tha- whrimna fakawm an tih thu an sawi.
Mizoram pradesh youth Congress committee chuan “MPCC President Lalsawta kaihhruaia sorkar tha leh langtlang Congress party-in a siam leh hunah Mizoram Police chu India rama Police tha berah buatsaih leh a ni ang” an ti bawk a ni.