Kum 16 chhung an awl tawh hnuah Sacramento Kings chuan NBA Playoffs an khel dawn a. Ningani zing khan Portland Trail Blazers lakah hnehna changin kuminah NBA post-season an khel dawn.
Portland a Moda Center a inkhelah hian Kings in 120-80 in hnehna an chang a. Inrinni atang tawh khan Playoffs atana tling thei ni tawh mahsela an mamawh hnehna an chang mai thei lova. Nimahsela an elpui dang Minnesota Timberwolves an tlawm laia anni an chak avangin an dinhmun a chiang tawh.
Kings tan hian point guard leh star player De’Aaron Fox chuan point 18 a score a. Tun season-ah a team hmahruaitu ni fovin Kings in Playoffs an khelh hnuhnun berin kum 8 mi chauh a la ni.
Kings rookie Keegan Murray pawhin record thar a siam bawk a. Third quarter-ah tun season a a 3-points vawi 188-na a lut a. NBA a rookie ni chunga 3 points lut hnem ber Donovan Mitchell-a’n vawi 187 a luh chu a khum.
Portland khelmualah Kings an tangrual a, point pawh an score dan a rualkhai hle. Malik MOnki chuan bench atang 19 score in Kevin Huerter chuan 17 a score ve bawk.
Inkhel zawhah Fox chuan, “Kan dinhmun kan tichiang thei hi a thawventhlak sawt in ka hria. Tunah chuan tuman min ringhlel thei tawh lo, kan tichiang tawh.”
“Playoffs khelhphak chauh ni lo hi thlen tir kan duh a. Hei aia sang zawk hi thlen zel kan duh. Mahse kum 16 chhung nghah hi thil rei tak a ni a, chuvangin tuna hetiang thlen hi kan tan thil lawmawm tak a ni.” a ti a.
Monk pawhin, “Kan tumah kan chiang a, Playoffs khelhphah chauh hi a ni lo.” a ti ve bawk.