Kentucky-a Nilaini zana US Army helicopter pahnih tlaah mi pakua an thi tih thuneituten an sawi.
Helicopter tlate hi 101st Airborne Division-a mi niin training-a chhuak niin sipai hmun bul lawka tla a ni.
Sipai thuneitute chuan sipai pakua an thih thu puangin ‘chânna nasa tak’ tiin an sawi bawk.
A tlak hun hi an ram sanaa zan dar 10:00 (India-a Ningani zing dar 7:30) hnu deuh niin Fort Campbell military base bul lawkah a ni.
An chetsual chhan hi hriat mai theih a la ni lo va, a chhui hna thawh zui nghal mek a ni.
A hmain US Army thupuangtu chuan HH60 Blackhawk helicopter pahnih chu ‘tih dan thina training-a an chhuak chu an tla’ tiin BBC News a hrilh.
“Command chuan sipaui thite leh an chhungte dawm leh ngaihven hna a thawk nghal,” a ti bawk.
Helicopter-te hi an insu em ni tih zawhna chu sipai thupuangtu chuan, “Tunah rih chuan chiang taka hriat theih a ni lo,” a ti.
US Army website-a a lan dan chuan 101st Airborne Division hi air assault division chauh niin khawvel pumah hmun buai laia tirh chhuah thin an ni.