Assam-a Darrang police chuan Pathianni khan India pawisa lem thahnem tak an man a, mi pahnih an man tel bawk.
Police-in pawisa lem an man hi Darrang Superintendent of Police (SP) Sushanta Biswa Sarma chuan sawiin, “Kan thu dawn bawhzuiin Mangaldai police station atanga hla lo te-ah, chhun dar 12:30 vel khan pawisa lem hmanga sumdawnna thil hai chhuah a ni,” a ti.
“Police hian Bhebarghat-a cheng mi pahnih leh an pawisa lem thahnem tak an mansak a ni,” a ti.
“Police team-in pawisa lem an man hi Rs. 500 note lem niin a vaiin Rs 2,78,000 hu a ni,” tiin Darrang district police chief hian a sawi.
An mi mante hi Rafique Ali, Uttar Kalikhura khua leh Jun Ali, No 1 Goriajhar khua niin Panery police station, Udalguri district huam chhunga mi an ni.