Aizawl : Govt. Mamit College (GM- C)-in nimin khan College Day vawi 40-na an lawm a. College Day hi April ni 1 ni mahse, hemi ni hi Inrinni a nih avangin nimin khan an lawm a. Principal MS Dawng- liana Hnamte chuan GMC-in kum 40 hmel a hmu ta chu lawmawm a tih thu a sawi.
GMC Principal chuan Mamit College chu Mamit khawtlang leh khawthlangin zirna kawnga hma an sawn theih na tura khawtlang nu leh pa thahnemngai rualawt ten harsatna awm thei te hmachhawn huama an din a nih thu sawiin, sul lo sutute zahna chibai a buk.
Zirna in tha nei turin building tha ringawt a tawk lo tih sawiin, GMC Principal chuan infrastructure tha a pawimawh rualin, zirlaite leh zirtirtute an pawimawh thu a sawi a. Zirtirtute pawh an pawimawhna hre thara, thahnemngai leh zuala thawk tur leh Mamit College-in ka- wng hrang hranga hmasawnna hmel a hmuh theihna tura an theihna zawn theuha tan la thar turin a sawm bawk.
Sorkar thuchhuahin a tarlan danin Govt. Mamit College hi kum 1983, April ni 1-ah khawtlang nu leh pa kalkhawmin an din a. Zirtirtu leh zirlai tlem te nen middle school leh primary school-ah te class an kal thin.
Zawi zawia hmasawn zelin, tunah ch- uan NAAC B+ accreditation neiin, infrastructure changtlung tak leh zirtirtu leh zirlai thahnem tak neiin, he college hian hmasawnna kawng a zawh mek a. Zirlai 160 awm- in, thawktu 32 an awm mek a, subject 7 zir theihna a awm mek.
GMC Day vawi 40-na pual hian zirlai te chu Mamit khawpui chhung hmun hrang hrangah plastic bakah bawlhhlawh dang te chhar faiin an hnatlang a ni.