BTS member zinga sipaia tang pahnihna ni turin J-Hope a penchhuak hnai ta a, an zinga upa ber Jin-a’n ram tan a fehchhuah hnu ah Korea rama sipaia tan ngei ngei tur Dan khauh tak chu a takin a tihlawhtling ang.
Bighit Music chuan April 1 khan thuchhuah siamin J-Hope chu sipaia tang tura thiltih ngai te buaipui mek a nih thu leh sipaia a luh leh tan hun tur tak erawh official-a thu an la dawn loh htu an tarlang.
A hming tak, Jeong Ho-Seck hi February 1994 khan a lo piang a, 2013 khan rimawi khawvela luhchilhin, singer leh rapper angin a awm.
Kum 29 mi J-Hope hian a thianpa leh zaipu thin ni bawk Jin (30) a zawm ve dawn ta a, ram venhimna kawnga a penchhuak tur hian ngaihven a hlawh.