Gandhi-a laka mi tihhmingchhiatna thubuai hi BJP MLA, Gujarat minister hlui, Purnesh Modi-a thehluh a ni a, ‘Rukrute hian engati nge hming inang, ‘Modi’ tih vek an put mai?’ tia a sawi chu Modi hming pu a tihhmingchhiatna niin a puh a ni.
Wayanad bialtu Lok Sabha MP hian he thu hi kum 2019-a Lok Sabha inthlan dawna Karnataka-a a campaign-naa a sawi a ni a, Prime Minister Modi-a a beihna niin hetih lai hian sumdawng hausa, sum an tihchingpen nasat avanga sorkarin man tuma a zawn mek, Nirav Modi leh Lalit Modi te chanchin a than nasat lai a ni.
Gandhi-a aiawha court-a a dan hre mi ding chuan thubuai an ngaihtuahnaah hian a tir atang rengin thubuai kaltir dan chu a dik lo niin a sawi a, a dinsak chuan thubuai thehluttu, Purnesh-a a tum a ni lo va, prime minister zawk a ni a bitum a nih thu a sawi bawk a. A bitum loh zawk MLA-in thubuai siama Gandhi-a thu sawi a lo hua leh heti chen a kalpui chu a dik thei lo niin a sawi a ni.