Aizawl: BJP Mizoram State chuan sorkar laipui puihnaa Union Home Minister Amit Shah-a’n Mizoram hmasawnna tur ruahman lawk anga a hawng thei chu central BJP-in thleibik nei miah lova rualkhai taka hmasawnna a kalpuizia a tichiang niin an sawi.
Inrinnia an thuchhuahah BJP Mizoram chuan Narendra Modi kaihhruaina hnuaiah India ramin nasa takin hma a sawn a, khawvel hmuhsit ni thin kha tun hunah chuan khawvela ram lian leh hmasawn berte zingah chhiar tel a ni tawh a. BJP sorkarina India ram a kaihhruai dan leh ram an enkawl dan en hian mi rethei leh mi hnuaihnung zawkten lei rem an rap ve tan ta niin an sawi.
Mizoram hmasawnna tur lungphum phum a nih laia an sorkar laia engti kawng maha hma la duh lo leh la thei lo Congress party-in an hruaitu, Rahul Gandhi thlavang hauha kawng an zawh chu Mizoram mipuite hmusitnaah an ngaih thu an sawi bawk.