Bayern Munich in coach thar Thomas Tuchel hnuaiah duhthusam a tha in bul an tan a. An chung a awm, an coach thar club hlui ni bawk Borussia Dortmund chu 4-2 in an hneh.
Dortmund leh Bayern te hi German football a club inel hlun ber tia chhal zingah an tel a, an inkhel hi ‘Der Klassiker’ ti a sawi a ni thin. Inrinni zanah Allianz Arena-ah Dortmund an lenglut a, league a hmahruaitu ni chungin bul an tan.
Mahse an bul tan dan a fuh lo. An goalkeeper Gregor Kobel chesualin Bayern defender Dayot Upamecano ball pet luh chu Kobel-a’n a pet sual a, a goal-ah a lut.
Minute 18-naah Bayern tan Thomas Muller chuan an goal hnihna a khung a. Minute nga hnuah Kobel bawk chesual lehin Leroy Sane ball pet chu Muller-a zawna dang a, German forward in goal-ah awlsam takin a khung.
Second half tan tir lamah Kingsley Coman chuan an goal li na a khung leh bawk a. Bayern an chungnung.
Dortmund hian second half-ah Emre Can penalty leh Donyell Malen te hmangin goal an khung ve bawk.
Coach thar Tuchel chuan, “Hmasawn theihna kan la nei. Kan result a that rualin lawm lutuk tur kan ni lo. Kan khelhthat rualin rim taka kan thawh a la ngai.” tiin an chak hnuah a sawi.