- Ruata
Maruti Suzuki India hian sorkar tangka kum 2024-ah India rama Utility Vehicle (UV) siamtu lar ber nih a tum ve zel a, SUV hralhna a let hniha tihpun theih nan he lirthei huangah hian puitham tak tur pahnih – Fronx compact crossover leh Jimny 5-door te tihchhuah an tum a ni a. Fronx hi kar hnih khat hnuah hralh chhuah a nih hmel a, Jimny zawk hi May thla chhoah kan hmuh hmel a ni.
Maruti Suzuki Fronx hi an tlangzarh hunah chuan a milpui deuh lirtheia ngaih theih ho – Tata Punch, Nissan Magnite leh Renault Kiger te nen market lamah chuan an inel tlang dawn a ni a. Hetihrual hian lirthei dang tam tak nen pawh an inel tho dawn a, SUV Coupe a nihna angin lirthei dang tam tak aia thlang zawk hi an awm nual a beiseiawm a ni.
Design-a thil pawimawh ber berte
Fronx hi a bulthutah chuan Baleno nghahchhan SUV coupe a ni a, Heartect monocoque platform a hmang a ni. A body panel thenkhat chu a hatchback lama a unau hnai, Baleno nen a inang chiah a, a split headlamp setup leh hmalam hmawr chuglam poh vah chu Grand Vitara design zul a ni thung a ni. Maruti Suzuki Fronx hian a hnung leh a hmaah sporty bumper a nei a, faux skid plate a nei a, chrome pawh mawi leh dak nalh taka duan a ni bawk. A sir lam atanga a landan lamah chuan 17 inch alloy wheel leh tailgate lam hawia roofline slipping hmanga chei te a nei a, heng bakah pawh hian a design lamah chuan sawi tur tam tak a la awm awm e. Lirthei nalh tak a nih dawn a, hei mai bakah hian a landanah SUV lam pawl tho si, hatchback car ho pawh tho si a nih avangin leitu tam tak nasa taka a hip beisei a ni.
A len zawng leh a rawng hrang hrang
He compact crossover chhuak thar tur hi a sei zawng, a zau zawng leh a san zawng zawng chu chu a indawt danin 3995mm, 1550mm leh 1765mm a ni a. Fronx hi rawng chi hrang hrang 9 a awm a, chungte chu, Arctic White, Opulent Red, Splendid Silver, Grandeur Grey, Nexa Blue, Earthen Brown, Splendid Silver with Black roof, Earthen Brown with Black roof leh Opulent Red with Black roof te an ni.
Ken tel dang hrang hrang
Maruti Fronx hian kentel lamah chuan automatic climate control, keyless entry and go, dual-tone interior, fabric seat upholstery, powered windows, steering atan tilt adjustment, 60:40 rear seat split, dual airbags, reverse parking sensor, rear defogger, hill hold assist, electronic stability program leh halogen projector headlamp te a nei a ni.
Compact crossover thar tur hian 7.0-inch SmartPlay Pro touchscreen infotainment system a keng tel bawk a, wireless Android Auto leh Apple CarPlay connectivity a nei a, voice assistant features, 6-speaker sound system, electrically adjustable wing mirror, wireless charger, rear AC vents, Suzuki connected car feature, rear view camera, USB charging port chak tak tak, Head-Up display, 360 degree camera, cruise control leh leather steering wheel cover te a awm bawk. Variant hrang hrangah a kentel hi a danglam ve zel dawn a ni.
A khawl lam
Maruti Fronx lo chhuak turah hian 1.0L, 3-cylinder turbo petrol Boosterjet khawl thar leh 1.2L, 4-cylinder naturally aspirated petrol khawl te duhthlan tur a awm dawn a, boosterjet khawl zawk hian 147.6Nm torque leh 100bhp power a pechhuak thei a, naturally aspirated khawl (petrol khawl pangngai) hian 113Nm torque leh 90bhp power a pechhuak thei thung a ni. 5-speed manual gearbox hi standard a ni a, 6-speed torque converter automatic leh 5-speed AMT gearbox te hi turbo-petrol leh NA petrol variant-ah te hian a awm dawn bawk a ni.
He lirthei thar tur hi Maruti Suzuki chuan hmanni lawk khan Jimny nen a rualin ropui takin an lo phochhuak tawh a. Hei tunah an tlangzarh har tawh dawn lo tih thawm te kan hre leh ta a, lei tumte tan chuan dawhthei taka lo la nghah chi a nih hmel a, a rei vak hmel tawh loh a. Reiloteah Maruti Suzuki atangin lirthei thar mawi leh tha tak kan hmu leh ang..