Aizawl : Mizoram sorkarin tui sem man a bithliah thar a, hei hi Mizoram puma April thla kal lai atanga hman tur a ni.
Tui sem man bithliah thar danah chuan tui sem zat hi litre 5000 chin chu thla khatah Rs 220 an chawi a ngai dawn a, litre 5000 atanga 10000 inkar dawng chinin Rs. 220 an chawi bakah litre khat zelah Rs 60 an chawi belh a ngai dawn a, litre 10000 atanga 20000 inkar dawng chinin Rs 520 bakah litre khatah Rs 115 an chawi belh zel a ngai dawn a, litre 20000 atanga 30000 inkar dawng tan Rs 1670 bakah litre 1 zelah Rs 135 chawi belh, litre 30000 chin chunglam dawng tan Rs. 3020 bakah litre khat zelah Rs 160 an chawi belh a ngai dawn a ni.
Sumdawng (Commercial) connection-ah thla khata litre 10000 chin tan Rs. 900 chawi a ngai dawn a, thla khata litre 10000 chin chunglam tan Rs 900 bakah litre khat zelah Rs 160 chawi belh a ngai dawn a ni.
Tui Meter a chhiat emaw, a rintlak loh laiin thla lhatah tui bill chawi tur zat chu sorkar leh connection pangngaiah thla khatah Rs 500 emaw, thla thum bill chawh rualin emaw, a tam zawk zawk; sumdawngah thla khatah Rs 1000 emaw, thla thum bill chawh rual emaw, a tam zawk zawk a ni ang.