United Arab Emirates khawpui, Dubai-a veng hlui lama apartment building kangah mi 16 vel an thi a, mi pakuain hliam an tuar bawk niin tual chhung chanchinbuten an sawi.
Inrinnia kangmei chhuak hi Al-Ras venga in chhawng sanga chhawng lina atanga chhuak a ni.
Dubai Civil Defence Force chuan an chhui tawh chinah chuan ‘building himna atana dan zam zawm fel tawk loh vang’ nia hriat a nih thu an thuchhuahah an ta lang tih The National chanchinbu chuan a tar lang.
UAE hnuaia emirates pasarih awm zinga pakhat, Dubai khawpuiah hian mi maktaduai 3.3 chuang ancheng a, an zinga 90% dawn chu ram dang mi an ni thung.
Tun tum in kanga thite hi eng ram mi nge an nih tih erawh puan a la ni lo.
Dubai leh UAE-a in sangah hian tun hnaiah kangmei a chhuak leh thin a. Kum 2017 khan an shopping mall lian ber a kang tawh a, a hma kum hnihah kum tawp niah five-star hotel a kang chiam tawh bawk a, mi tam tak an hliam.