Indian Premier League a vawikhat khelhnaah kum 36 mi Zimbabwean veteran Sikandar Raza a che tha a. Hun pawimawhah ball 41 atangin run 57 siamin a team wicket hnihin Lucknow Super Giants lakah a chakpui.
Lucknow a inkhelah hian Punjab in chak turin run 160 an siam a ngai a, run 75 chauh an siam laiin wicket li hloh hman mahse Raza chetthat bakah Shahrukh Khan chuan a tawp khar tha bawkin over 19.3-ah run 161 an siam a, wicket 8 chauh an hloh.
Lucknow tan hian KL Rahul chuan run 74 a siam a. Punjab bowler zingah Sam Curran leh Kagiso Rabada ten wicket thum leh wicket hnih la in Lucknow hian over 20 chhungin run 159 an siam.