Tun hnaia Bawngkawn veng mi Lalrammawia vittu, Lalfakmawia chenna Samlukhai khua Village council leh NGO hrang hrang hruaituten ralna leh thupha chawin an Lalrammawia chhungte hnenah Rs 58,400 an hlan.
Nimin khan Bawngkawn Local Council House-ah Samlukhai VC leh NGO te ralna leh thupha chawina hlanna neih a ni a, Samlukhai khawtlang hruaitute chuan Lalrammawia chunga thil thleng chu pawi an tih thu an sawi a, hei hian khua leh khua inkara inhmuhthiam lohna a thlen an hlauh thu leh thleng lo se tih chu an duh ber a nih thu an sawi a, hetihrual hian Lalrammawia chunga pawikhawhtu chungah danin a kawng zawh se tih chu an duh dan a nih thu an sawi a ni.
Samlukhai VC leh NGO ten ralna leh thupha chawina an hlannaah hian Bawngkawn Local Council bakah YMA hruaitute an tel a, Lalrammawia chhungte hnenah hian Bawngkawn Local Council-in ralna Rs. 10,000 an pe ve bawk.