Central YMA chuan Zofate inpumkhatna tichhe thei zawnga tumah awm lo tur leh social media hrang hrangah pawh inunauna tichhe thei zawnga hma la lo turin mipui ngen.
Thawhtannia Central YMA Executive Committee thukhawm chuan, Mizoram chhunga document pawimawh hrang hrang – Birth Certificate, Residential Certificate, Tribal Certificate, Voters ID etc.) te pek chhuah an nih kawngah, helam khawihtu hrang hrangte fimkhur tura ngenin, “Heng document pawimawhte hi khua leh tui te chauhin kan neih ngei tur a nih angin a nei tur dik takte hnen a thlen theih nan tan la tlang turin kan ngen,” an ti.
Rambuai avanga harsatna tawk, sahimna zawnga Mizoram rawn lut kan unaute thlamuang taka awm tura chahin, Zofate inpumkhatna tichhe thei zawnga tumah awm lo tur leh social media hrang hrangah pawh inunauna tichhe thei zawnga hma la lo turin mipuite an ngen a, Zohnahthlak unau kan nihna vawng nung zel turin tan la theuh turin a ngen bawk.