British singer Ed Sheeran chu a hla lar, ‘Thinking Out Loud’ chungchanga Marvin Gaye hla, ‘Let’s Get It On’ a copy nia puhna thilah New York City court-ah a inlan.
Gaye-a hlaphuahpui pakhat Townsend chuan Sheeran, Warner Music Group leh Sony Music Publishing te’n hla rukchhuah vanga sum tam tak an bat thu a sawi.
Thubuai kalpui a nih veleh an lawyer te chuan Sheeran hian a concert pakhatah Gaye hla thu hi a hmang ngei a ni tih an sawi nghal.
Hetih lai hian Sheeran pawh a duai bik lo. A tan hmun tinghet sauh sauhin, “Mi hla copy tur khawpin ka mawl lo,” tiin a chhanglet.
Tunhnai chho atang khan zaithiam lar tak takte’n hla copy leh hla kalhmang rukchhuah thubuai an nei chho zut zut hlawm a. Hetah hian thu inchuhna a nasa in, court-a zualko zak zak pawh an tam ta hle.