Aizawl: CADC inthlan lo awm tur atana inbuatsaih nan nimin khan Chawngte-ah MNF party chuan kawngzawh runpui an huaihawt. He hun hmanpuitu, MNF Adviser Robert Romawia Royte chuan Chakma area tihmasawn turin ‘triple engine’ a ngai niin a sawi.
CADC-ah state sorkar thawhpui thei tur MNF sorkar din a pawimawh thu sawiin Robert Romawia Royte chuan, “MNF chu central-a NDA sorkara ruling a ni a, state sorkarah ruling ni bawkin, CADC sorkarah MNF ruling a nih bawk chuan engine pathum hmangin hmasawnna hna kan thawkho dawn a, a chakin a sawt dawn a ni,” a ti.
MNF adviser leh minority affairs minister ni bawk chuan Chakma area, Chawngtea phullem field leh sports facilities dangte din mek zel a ni a. Tunah hian kawngpui tha siam turin sanction tam tak tihfel a ni tawh. Kumin plan-ah sikul building sak thatna tur projects siam a nih thu sawiin, “MNF-in vote chuan development in vote tihna a ni,” a ti.
He hun hi PC Chakma MNF District President-in a kaihhruai a. BJP hruaitu eng emaw zat leh Congress hruaitu tam tak MNF-ah lawmluh an ni bawk.