Aizawl: PHE department hotute leh Zopar Export aiawhten nimin khan Larsap Hari Babu Kambhampati chu a chennaah an kawm a, tui lakluh kawnga harsatna an tawhte an sawi pui.
Raj Bhavan-a an inkawmnaah hian PHE department hotute hian larsap hnenah Reiek, Ailawng leh a chheh vela miten tuna Reiek Water Supply Scheme awm mek chu mamawh a phuhruk zawh loh thu an hrilh a. Larsap chuan a tul anga project proposal te siama hma lak chhoh zel dan tur a sawipui a ni.
Zopar Export atanga kal, Rajesh Prasad pawhin tui lakluhna chungchanga a harsatnate thlen ve bawkin, larsap pawhin a ngaih pawimawh thu a lo hrilh a. Floriculture chawi lar a pawimawh thu leh Mizorama tourist-te hip theihna pawimawh tak pakhat atan chuan sorkar leh entrepreneurs te pawh thawhdunna tha an neih a pawimawh thu a sawi.